بەرپرسی هەڵبژاردنەکانی هەرێم لە کۆمسیۆنی عێراق رایدەگەیەنێت، ئامێرەکانی خوێندنەوەی رووخسار، تاوەکو رێژەی %75 رووخساری ئەو کەسانە دەخوێننەوە کە جوانکارییان ئەنجامداوە.
نەبەرد عومەر، بەرپرسی هەڵبژاردنەکانی هەرێمی کوردستان لە کۆمسیۆنی باڵای سەربەخۆی هەڵبژاردنەکانی عێراق بە تۆڕی میدیایی ئێستای راگەیاند، هەڵبژاردن کاتژمێر حەوتی بەیانی دەستپێدەکات و کاتژمێر شەشی ئێوارە کۆتاییدێت، وەک کۆمسیۆن هەموو ئامادەکارییەکانمان ئەنجامداوە و هیچ گرفتێک لەئارادا نییە.
لەبارەی کێشەی نەخوێندنەوەی پەنجەمۆرەوە وتیشی، لە رێگەی بەردەستخستنی ئامێری خوێندنەوەی دەموچاوەوە کێشەی نەخوێندنەوەی پەنجەمۆرمان چارەسەرکردووە، ئەو کەسانەی کە جوانکارییان ئەنجامداوە، ئامێرەکە تاوەکو رێژەی %75 توانای خوێندەوەی روخساری ئەو کەسانەی هەیە.
