نوێنەری گشتیی مامۆستایانی وانەبێژ لە هەرێم رایگەیاند، ئەمڕۆ شایستەی دارایی مامۆستایان دابەشدەکرێت.
عەلی رەئوف، نوێنەری گشتیی مامۆستایانی وانەبێژ لە هەرێم بە تۆڕی میدیایی ئێستای راگەیاند، ”ئەمڕۆ پەروەردەی رۆژهەڵات – سلێمانی شایستەی دارایی مامۆستایانی وانەبێژ مانگی 3ی 2024 دابەشدەکات، لە هەوڵداین زۆرترین پەروەردە ئەمڕۆ شایستە داراییەکانی وانەبێژان دابەشبکات”.
شایستەی دارایی مامۆستایانی وانەبێژ لە هەرێمی کوردستان نزیکەی 15 ملیار دینارە و ژمارەشیان 37 هەزار مامۆستایە و مووچەکانیشیان لەنێوان 250 بۆ 400 هەزار دیناری عێراقیدایە.
