بەڕێوەبەری ناوەندی کۆنتڕۆڵی باشوور لە وەزارەتی کارەبای عێراق رایدەگەیەنێت، دۆخی کارەبا لە پارێزگاکانی زیقار و میسان بەرە بەرە لە ئاساییبوونەوەدایە و تاوەکو چەند کاتژمێرێکی دیکەش، لە سەرجەم ناوچەکانی ناوەڕاست و باشووری عێراق دۆخی کارەبا ئاساییدەبێتەوە.
محەمەد جەواد، بەڕێوەبەری ناوەندی کۆنتڕۆڵی باشوور لە وەزارەتی کارەبای عێراق رایگەیاند، “کارەکان بەردەوامن بۆ گەڕاندنەوەی کارەبا بۆ پارێزگای بەسرە، ئێمەش سەرکەوتوو بووین لە گەڕاندنەوەی ڤۆڵتیە و چاوەڕێی کارپێکردنی وێستگەکانی مۆلیدە دەکەین”.
ئاماژەی بەوەشدا، بەرە بەرە لە پارێزگاکانی زیقار و میسارن دۆخی کارەبا بەرەو ئاساییبوونەوە دەڕوات و لە چەند کاتژمێرێکی دیکەشدا تاوەکو نیوەی شەو، دۆخی کارەبا لە بەسرە و ناوچەکانی دیکەش ئاساییدەبێتەوە.
