دارێكی تەمەن 200 ساڵ لە سنووری بەرزنجە بڕدرایەوە و كەسێك بەتۆمەتی ئەو كارە دەستگیركرا.
بەڕێوەبەرایەتی پۆلیسی دارستان و ژینگەی سلێمانی رایگەیاند، دوای ئەوەی زانیارییان پێگەیشت دارێکی سروشتی کە تەمەنی زیاتر لە 200 ساڵ دەبێت، بڕاوەتەوە، لەلایەن بنکەی پۆلیسی دارستانی بەرزنجەوە دەستکرا بە لێکۆڵینەوە و بەدواداچوون، لە ئەنجامدا هاوڵاتییەك بە تۆمەتی بڕینی دارەکە دەستگیرکرا.
بەپێی بەدواداچوونەکان ئەم درەختە لە ریزبەندی درەختە بەتەمەنەکان ئەژماردەکرێت.
پۆلیسی دارستان دەشڵێت، لەئێستادا تۆمەتبار بە بڕیاری دادوەر بەندە و پەڕاوی لێکۆڵینەوەی بۆ کراوەتەوە.
