كۆمسیۆنی هەڵبژاردن ژمارەی ئەو سەرپێچی و سكاڵایانە ئاشكرادەكات كە تا ئەمڕۆ ئاراستەیان كراوە.
جومانە غەلای، وتەبێژی كۆمسیۆنی باڵای سەربەخۆی هەڵبژاردنەكان بە تۆڕی میدیایی ئێستای رایگەیاند، ژمارەی ئەو سەرپێچییانەی گەیشتووەتە لیژنەی ناوەندیی كۆمسیۆن لەڕێی لیژنە لاوەكییەكان لە نووسینگەكان تا ئەمڕۆ 26 سەرپێچییە.
وتیشی، “هەندێكیان بڕیاری ئەنجومەنیان لەسەر دەرچووە، هەندێكی دیكەشیان لە تاوتوێ و شیكردنەوەدان”.
ژمارەی ئەو سكاڵایانەش كە پێشكەشی كۆمسیۆنی باڵای هەڵبژاردنەكان كراون تا ئەمڕۆ 39 سكاڵایە، جومانە وای وت.
بڕیارە رۆژی یەكشەممەی هەفتەی داهاتوو 20ی تشرینی یەكەم هەڵبژاردنی خولی شەشەمی پەرلەمانی كوردستان بەڕێوەبچێت.
هەڵبژاردنەكە بەپێی پارێزگاكان بەشێوەی چوار بازنە بەڕێوەدەچێت.
