نیاز نوری، نەقیبی سەندیکای هونەرمەندانی کوردستان بە تۆڕی میدیایی ئێستای راگەیاند، هونەرمەند بەرزانی قالەی خەڵوز بە جەڵتەی دڵ کۆچی دواییکرد.
هونەرمەند بەرزانی قالەی خەڵوز لە ساڵی 1961 لە گەڕەکی کانی ئاسکانی سلێمانی لەدایکبووە، لە تەمەنی 18 ساڵی و لە ساڵی 1979 روودەکاتە شاخ و دەبێتە پێشمەرگە.
لە بواری هونەریشدا کۆچکردوو یەکێک بوو لە بەرهەمهێنەرانی بەرنامەی بەرنامە و هەر خۆشی ئەکتەرێکی سەرەکی بوو تێیدا، هاوکات بەشداریی لە بەرنامەی کەشکۆڵیشدا کردووە و رۆڵێکی کاریگەری هەبووە.
