باوکی عیرفان بەهادین ڕایدەگەیەنێت، بەهۆی پشتگوێخستنی دۆسیەکەیەوە، منداڵە ساوایەکەی کوڕەکەی بۆ هەمیشە لە نازی باوکی بێبەشکرا و بکوژەکانیش بە ئازادی دەسووڕێنەوە.
باوکی عیرفان بەهادین، ئەو گەنجە کەرکوکییەی لە ڕووداوەکانی گوندی لاجان شەهیدکرا، ڕووی دەمی دەکاتە بەرپرسانی پارتی و دەڵێت، بەرپرسان ڕۆژانە دەچنە پرسەی کەسانی دیکە و باوەش بە کەسوکاریاندا دەکەن، بەڵام هیچ کەسێک سەردانی ماڵی ئێمەی نەکردووە.
ئاماژە بەوەشدەکات، “کوڕەکەم کورد بوو و بە دەستی کورد شەهیدکرا، بەڵام بەهۆی پشتگوێخستنی دۆسیەکەیەوە، منداڵە ساوایەکەی بۆ هەمیشە لە نازی باوکی بێبەشکرا و بکوژەکانیش بە ئازادی دەسووڕێنەوە”.
