شەفافییەت داهاتی یەك هەفتەی سلێمانی رادەگەیەنێت كە نزیكی 16ملیار دینارە.
داهاتی یەك هەفتەی سلێمانی لە رۆژی 4-11-2023 تا 10-11-2023، بڕی 15 ملیار و 843 ملیۆن و 687 هەزار و 251 دینار بووە، بە جۆرێك كە زیاتر لە 10 ملیار دیناری نەختینەیە و هەروەها نزیكەی 2 ملیار دینار بە شێوەی چەكە زیاد لە 3 ملیار دینار مقاسەیە.
ماڵپەڕی شەفافییەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بە شێوەیەك، بڕی 15 ملیار و 843 ملیۆن و 687 هەزار و 251 دینار بووە، بە جۆرێك كە 10 ملیار و 478 ملیۆن و 60 هەزار و 842 دیناری واتە 66% نەختینەیە و هەروەها 1 ملیار و 738 ملیۆن و 658 هەزار و 659 دینار، واتە 11% بەشێوەی چەكە و بڕی 3 ملیار و 626 ملیۆن و 940 هەزار و 750 دینار واتە %23 مقاسەیە.
ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لە ماڵپەڕی شەفافییەتەوە بزانیت.
