روانگەی كۆپرنیكۆسی ئەوروپی رایدەگەیەنێت، مانگی ئەیلولی رابردوو گەرمترین بووە كە تائێستا لەسەر ئاستی جیهان تۆماركرابێت و پێوانەیی پێشووی ساڵی 2020ی بە جیاوازییەكی زۆر كە دەگاتە نیو پلەی سەدی تێپەڕاندووە.
روانگەكە دەڵێت، ناوەندی گەرمای رووی هەسارەكە لە مانگی رابردوودا گەیشتووەتە 16.38 پلەی سەدی كە “دۆخێكی دەگمەنی بێ پێشینەیە”، چونكە بە 1.75 پلەی سەدی زیاترە لە پلەكانی گەرمای مانگی ئەیلول لەماوەی نێوان ساڵانی (1850-1900)، واتە بەر لە كاریگەریی دەردراوە گازییە گەرمكەرەكان بەهۆی چالاكییەكانی مرۆڤ لەسەر ئاووهەوا.
لەهەمان كاتدا روانگە لە راپۆرتی مانگانەیدا ئاشكرایكرد، تێكرای پلەی گەرما لە جیهاندا لە سەرەتای ئەمساڵەوە بە 1.4 پلەی سەدی زیاترە لە دۆخی بەر لە شۆڕشی پیشەسازی.
ئاشكراشیكرد، ناوەندی پلەی گەرما لە جیهاندا لەنێوان كانونی دووەم و ئەیلول گەرمترین بووە لەماوەی نۆ مانگی ئەمساڵدا.
بە رووانین لە رێككەوتنی پاریس تایبەت بە ئاووهەوا كە چاوی جیهانی خستووەتەسەر ئامانجێك بە راوەستاندنی گەرمبوونی جیهان لە 1.5 پلەی سەدی بەراورد بە ماوەی پێش شۆڕشی پیشەسازی، ژمارەكانی كۆپرنیكۆس دەریدەخەن كە جیهان زیاتر لە هەر كاتێكی دیكە نزیكە لە گەیشتن بە ئەوپەڕی پلەی دیاریكراو.
