لەلایەن هێزەكانی ئاسایشەوە دەستبەسەر بڕی 415 كیلۆگرام (دوگی ئاژەڵ)ی نەشیاو بۆ خواردندا دەگیرێت.
بەڕێوەبەرایەتی ئاسایشی شارەزوور رایگەیاند، شەوی 24ی ئاب هێزەكانیان دوو تۆمەتباریان لە بازگەی زەمەقی دەستگیرکرد و دەستیانگرت بەسەر بارهەڵگرێکی کەپسدا كە بڕی 415 کیلۆگرام (دوگی ئاژەڵ )ی تێدابوو و بەنیازبوون لە بازاڕدا ساغیبکەنەوە.
ئاشكراشیكرد، بۆ پشکنین، لیژنە هاوبەشەکانی قائیمقامیەتی هەڵەبجە راسپێردران و لە ئەنجامدا دەرکەوت دوگەکە شیاوی خواردن نیە، بۆیە لەلایەن لیژنەکەوە بڕیاری لەناوبردنی درا.
دەشڵێت، تۆمەتباران بە ماددەی 240 راگیراون و لێکۆڵینەوە لە دۆسیەکانیان بەردەوامە.
