بەرپرسانی عێراقی باس لەوەدەکەن کە هاوینی ئەمساڵ گەرم و وشک دەبێت، مەترسی لەسەر سەرچاوە ئاوییەکانی عێراق هەیە، بۆ ئەو مەبەستەش شاندێکی عێراق سەردانی تورکیا دەکات.
بەپێی میدیا عێراقییەکان، هاوینی ئەمساڵ وشک و گەرم دەبێت کێشەی کەمئاوی بەردەوام دەبێت و رووبەری بەهەڵمبوونی ئاوی سەرچاوەکان زۆر بەرفراوان دەبێت.
بڕیارە بەمەبەستی چارەسەرکردنی کێشەی بەردانەوەی ئاو لە وڵاتی تورکیاوە، شاندێکی پەیوەندیداری حکومەتی عێراق لە ماوەیەکی نزیکدا سەردانی وڵاتی تورکیا بکات، بۆئەوەی داوایان لێبکەن بۆ جێبەجێکردنی ئەو رێککەوتنەی کراوە لەنێوانیاندا بە بەردانەوەی پشکی ئاوی عێراق بەتەواوی لە وەرزی هاویندا.
