کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان پلەکانی گەرما کەمێک بەرزدەبنەوە، لەگەڵ بوونی تۆز و خۆڵێکی سوک.
بەپێی ڕاگەیەندراوی بەڕێوەبەرایەتیی گشتیی کەشناسیی هەرێمی کوردستان، ئەمڕۆ ئاسمان ساماڵ دەبێت، لەگەڵ بوونی تۆز و خۆڵێکی سوک، هەروەها خێرایی با زیاد دەکات.
هەروەها پلەکانی گەرما 1 بۆ 2 پلە بەرزدەبنەوە.
بەپێی پێشبینییەکان، سبەینێ ئاسمان ساماڵ دەبێت، لەگەڵ بوونی تۆز و خۆڵێکی سوک لە هەندێک ناوچە، پلەکانی گەرما هاوشێوەی ڕۆژانی پێشوو دەبێت.
