ئەستێرەی وێڵزی، گاریس بەیل بە درێسی یانەی لۆس ئەنجلسەوە ناسناوی خولی ئەمریکای بەدەستهێنا، دوای ئەوەی بە لێدانی سزا لە فیلادلفیا-یان بردەوە.
یاریی نێوان یانەکانی لۆس ئەنجلس ئێف سی و فیلادلفیا لە چێوەی یارییەکانی خولی ئەمریکا، دوای کۆتایی هاتنی کاتی یاسایی و زیادکراو بە ئەنجامی 3-3.، بە لێدانی یەکلاکەرەوە لە بەرژەوەندیی لۆس ئەنجلس کۆتاییهات.
لەو یارییەدا گاریس بەیل لە خولەکی زیادکراوی دووەمدا 120 + 8 گۆڵی یەکسانبوونەوەی بۆ لۆس ئەنجلس تۆمارکرد و هیواکانی بۆ یانەکەی گەڕاندەوە، کە یەکەمجارە لە مێژوویاندا ناسناوی وەرز دەستەبەردەکەن.
یانەی لۆس ئەنجلس لە ساڵی 2018وە دامەزراوە، گاریس بەیل ناودارترین یاریزانە لە مێژووی یانەکەدا.
