ناوی شوماخەر دەگەڕێتەوە بۆ فۆرمولا وەن و لە وەرزی 2021 کوڕە گەورەی ئەفسانەی ئەڵمانیا بەشداری پێشبڕکێکان دەکات.
تیمی هاس بە فەرمی ئاشکرایکردووە، بۆ وەرزی 2021 بۆندیان لەگەڵ میک شوماخەری کوڕی مایکڵ شوماخەری ئەفسانەی شۆفێرانی ئەڵمانیا و جیهان واژووکردووە.
شوماخەری تەمەنی 21 ساڵ شۆفێرێکی لاوی ئەڵمانییە ئەم وەرزە لەگەڵ تیمی پریما پاوەرتیم بەشداری ململانێکانی فۆرمولا 2ی کردووە، کوڕی مایکڵ شوماخەری ئەفسانەی شۆفێرانی تیمی فێراری و حەوتجار پاڵەوانی جیهانە و چاوەروانی داهاتوویەکی پرشنگداری لێدەکرێت.
BREAKING: Mick Schumacher to race in F1 in 2021!
The 21-year-old signs with @HaasF1Team #F1 #RoadToF1 pic.twitter.com/KfBCB8zK1T
— Formula 1 (@F1) December 2, 2020
دوای ئەوەی شوماخەری بچوک لە پاڵەوانیەتی فۆرمولا 2 توانی سەرکەوتن مسۆگەر بکات، تیمی فێراری کە لەهەمان کاتدا سپۆنسەری تیمی پریما پاوەر و ئەکادیمیای فێرارییە، توانیان بە سەرکەوتوویی شۆفێرە لاوەکە بۆ ململانێکانی فۆرمولا 1 بەرزبکەنەوە.
“سومی بچووک” لەم بارەیەوە ڕایگەیاندووە، ” بەشداریکردن لە فۆرمولا 1ی وەرزی داهاتوو زۆر خۆشحاڵیکردووم، تەنانەت قسەم بۆ ناکرێت، هەمیشە باوەڕم بەوەبوو کە خەونی بەشداریکردن لە پاڵەوانێەتی پلە یەک بەدیدەهێنم”.
Baby @SchumacherMick first got behind the wheel with his father Michael at just one year old 🥺#F1 #RoadToF1 pic.twitter.com/2RYP9aQ061
— Formula 1 (@F1) December 2, 2020
میک وەرزی داهاتوو لەگەڵ تیمی هاس و هاوشانی نیکیتا مازبینی شۆفێری ڕووسی دەستبەکاردەبێت، دیاریش نەکراوە وەک شۆفێری سەرەکی مامەڵەی لەگەڵدا دەکرێت یان شۆفێری یاریدەدەر.
مایکڵ شوماخەری باوک لە ساڵی 2012 وازهێنانی لە بواری فپرمولا 1 ڕاگەیاند، ساڵی 2013 بەهۆی ڕووداوی خلیسکانی سەربەفر دووچاری ئاستەنگی تەندروستی هات، تاوەکو ئەم ساتە لەژێر چاودێری پزیشکیدایە.
