نرخی نەوتی خاو لە كاتی داخستنی بازاڕەكاندا گەیشتە 118.11 دۆلار بۆ هەر بەرمیلێك، ئەمەش بەرزترین ئاستە لە ئابی 2008ەوە، بەهۆی وەستانی هەناردەی ڕوسیاوە.
نرخی بەرمیلێك نەوتی خاوی برێنت كە بڕیارە لە ئایاردا ڕادەستبكرێت بەڕێژەی 6.92% بەرزبووەوە، لەمیانەی ئاڵوگۆڕەكانی ڕۆژی هەینیدا و گەیشتە 118.11 دۆلار.
لەدوای دەستپێكردنی هێرشەكەی ڕوسیا بۆسەر ئۆكرانیا خاوی برێنت بەڕێژەی 21.9% بەرزبووتەوە.
هەروەك بەرمیلێك خاوی ڕۆژئاوای تەكساس بەڕێژەی 7.43% بەرزبووەوە و لە 115.68 دۆلاردا جێگیربوو، كە بۆ یەكەمجارە لەدوای ئەیلولی 2008ەوە.
