وەزارەتی بازرگانی و پیشەسازیی هەرێمی کوردستان ڕایگەیاند، پرسی بەبازاڕکردنی گەنمی جوتیارانی هەرێمی کوردستان تاوتوێکرا و ئامادەکارییەکانیش دەستیانپێکردووە.
لە ڕاگەیەندراوێکدا وەزارەتی بازرگانی ئاشکرایکرد، “کەمال موسلیم وەزیری بازرگانی و پیشەسازیی حکومەتی ھەرێم، بەئامادەبوونی بریکاری وەزارەت بۆ کاروباری بازرگانی و بەڕێوەبەری گشتیی بازرگانی، لەگەڵ بەڕێوەبەرانی دانەوێلەی ھەولێر و سلێمانی و دھۆک کۆبوونەوە”.
بەپێی ڕاگەیەندراوی کۆبوونەوەکە، “باس لە ئامادەکارییەکان بۆ پرۆسەی بەبازارکردنی گەنمی جوتیارانی ھەرێمی کوردستان لە سایلۆکان کراوە و چەندین خاڵ وەک ئامادەکاری تاوتوێ کران و بڕیاریان لەسەردرا”.
