دادگای ڕوسیا هۆكارى سزادانى كۆمپانیاى گۆگڵى ئه‌مریكی به 99 ملیۆن دۆلار ئاشكراده‌كات.
به‌پێی هه‌واڵی میدیا نێوخۆییه‌كانى ڕوسیا، ئەو سکاڵایەی کە دامەزراوەی چاودێری پەیوەندی گشتیی و زانیاریی تەکنۆلۆجی فیدڕاڵی ڕوسیا لەسەر کۆمپانیای گوگڵ بەرزیکردوبووه‌وه، لە دادگای تاگانسکی شاری مۆسکۆی پایتەخت بەڕێوەچوو.
ئاشكراشیانكردووه، بەھۆی ئەوەی کۆمپانیای گوگڵ پابەند نەبووە بە سڕینه‌وه‌ى ئەو ناوەڕۆکانەی کە لە ڕوسیا قەدەغەن، بڕیاریدا ئەو کۆمپانیایە بە بڕی حەوت ملیار و 221 ملیۆن ڕۆبڵ كه (دراوی ڕوسییه)، سزا بدات.
له به‌رامبه‌ریشدا كۆمپانیاى گۆگڵ باسی له ڕاگه‌یه‌ندراوێكدا باسی له‌وه‌كردووه، وردبوونەوە لەو بڕیارەی دادگا ده‌كه‌ن و تیمى پارێزه‌رانیان ئەو ھەنگاوانەی کە پێویستە لە داھاتوودا بنرێن دیاریی ده‌كه‌ن و هه‌نگاوى بۆ ده‌نێن.
پێشتریش گۆگڵ بەھۆی پێشێلکردنی ھاوشێوە، بە بڕی37.5 ملیۆن ڕوبڵ سزا درابوو.
