شانه‌ى ڕاگه‌یاندنى ئه‌منیی عێراق سه‌ركۆنه‌ى بۆردومانى فڕۆكه‌كانى توركیا بۆسه‌ر ئۆتۆمبێلى سه‌ركرده‌كه‌ى یه‌به‌شه و كوشتنی ده‌كات.
له ڕاگه‌یه‌ندراوێكدا شانه‌ى ڕاگه‌یاندنى ئه‌منیی عێراق بڵاویكرده‌وه، “سه‌ركۆنه‌ى به‌ئامانجگرتنى ئۆتۆمبێلى یه‌كێك له ئه‌ندامانى حه‌شدى شه‌عبی ده‌كه‌ین، كە له‌لایه‌ن فڕۆكه‌كه‌كانى توركیاوه له قه‌زاى شه‌نگال ئه‌نجامدرا، بووه شه‌هیدبوونى هاوڵاتییه‌كى ئێزدیی دانیشتووى كۆمه‌ڵگه‌ى خان سوور”.
له به‌شێكى دیكه‌ى ڕاگه‌یه‌ندراوه‌كه‌دا هاتووه، “سه‌ره‌خۆشی له بنه‌ماڵه‌ى شه‌هیده‌كه ده‌كه‌ین و دووپاتیده‌كه‌ینه‌وه كه هه‌ر ده‌ستدرێژییه‌ك بۆسه‌ر خاكى عێراق ڕه‌تده‌كه‌ینه‌وه”.
شانه‌ى ئه‌منى پێشوایه، تاكه ڕێگا بۆ چاره‌سه‌ركردنى كێشه‌كان له ڕێگه‌ى ئاشتییانه و دیپلۆماسی و گفتوگۆیه به پێی یاسا نێوده‌وڵه‌تییه‌كان.
دوێنێ سێشەممە فڕۆکەیەكی بێفڕۆکەوانی تورکیا ئۆتۆمبێلی مەروان بەدەل خودێدا، هاوسەرۆکی دەستەی بەڕێوەبەریی شەنگالی بۆردومانکرد و ناوبراو كوژرا.
