بەڕێوەبەری كەشناسیی سلێمانی رایدەگەیەنێت، بە كاریگەری ئەو شەپۆلەی رووی لەناوچەكە كردووە، بارانبارین لە سەنتەری شاری سلێمانی تاوەكو دوای نیوەڕۆی سبەینێ پێنجشەممە بەردەوامدەبێت و پلەكانی گەرماش نزمدەبنەوە.
ئاسۆ كەمال بەڕێوەبەری كەشناسیی سلێمانی لە لێدوانێكدا بە تۆڕی میدیایی ئێستای راگەیاند، كاریگەریی شەپۆلی بەفربارین لە ناوچە شاخاوییەكان زیاتر دەبێت و لە سەنتەری شاری سلێمانی بارانبارین تاوەكو دوانیوەڕۆی سبەینێ پێنجشەممە بەردەوامدەبێـت.
ئاماژەی بۆ ئەوەش كرد، ئەمڕۆ بەرزترین پلەی گەرما 10.5 پلە بووە و نزمترین پلە 2.5پلە بووە، بۆ سبەینێ بەرزترین پلەی گەرمای پێشبینیكراو لە شاری سلێمانی 9.5 پلە دەبێت و نزمترین پلەش دوو پلە دەبێت.
