چوار كرێكار كە لە زێی گەورەدا گیریانخواردبوو رزگاركران و بەرگریی شارستانیی هەولێر دەڵێت، چوار حاڵەتی كۆبوونەوەی ئاو كە مەترسی بوون بۆسەر ماڵان چارەسەركراوە.
سەركەوت كاڕەش، وتەبێژی بەرگریی شارستانیی سلێمانی بە تۆڕی میدیایی ئێستای راگەیاند، شەوی رابردوو چوار حاڵەتی دەرچوونی تیمەكانیان هەبوو لە هەریەك لە بەحركە، دارەتوو، گەڕەكی شارەوانی و چوارڕیانی ئەنجومەنی وەزیران.
وتیشی، “سەرجەمیان كۆبوونەوەی ئاو و گیرانی شەقام بوو و مەترسی لەسەر ماڵان هەبوو، ئاوەڕۆكان كرایەوە و چارەسەركران”.
هەر شەوی رابردوو چوار هاوڵاتی كە كرێكاری كارگەی چەو و لم بوون و لە زێی گەورە گیریانخواردبوو لەلایەن تیمەكانی بەرگریی شارستانییەوە رزگاركران، وەك ئەوەی سەركەوت كاڕەش ئاماژەی پێدا.
سەبارەت بە شارۆچكەی خەباتیش كە بارانەكەی دوێنێ و شەوی رابردوو زیانی زۆری پێگەیاندووە، وتەبێژی بەرگریی شارستانیی هەولێر رایگەیاند، ئامار و وردەكاریی زیانەكان لەلایەن ئیدارەی ناوچەكەوە دەخرێتەڕوو.
دوێنێ شەپۆلێكی چڕی بارانبارین شارەكانی هەرێم، كەركوك و بەشێك لە شارەكانی عێراقی گرتەوە و كاریگەرییەكەی تا بەرەبەیانی ئەمڕۆ درێژەی كێشا.
