مەڵبەندی سێی هەولێری یەکێتیی نیشتمانیی کوردستان، لەبارەی ساختەکردنی نووسراوێکییەوە ڕایگەیاند، “ئەم نووسراوە ساختە و دروستکراوە هیچ بنەمایەکی نییە، یەکێتیی نیشتمانیی کوردستان ئامانجێتی پرۆسەی هەڵبژاردن بە پاک و بێگەردی بەڕێوەبچێت”.
لە ڕوونکردنەوەکەی مەڵبەندی سێی هەولێری یەکێتیدا هاتووە، “لە هەندێک پەیج و ماڵپەڕ وگروپی تایبەتی ئاراستەکراوی سەر بە دەزگایەکی موخابەراتی نووسراوێک بەناوی لێپرسراوی مەڵبەندی هەولێر بڵاوکراوەتەوە، لێرەوە ڕایدەگەیەنین ئەم نووسراوە تەزویر و دروستکراوە هیچ بنەمایەکی نییە، یەکێتیی نیشتمانیی کوردستان ئامانجێتی پرۆسەی هەڵبژاردن بە پاک و بێگەردی بەڕێوەبچێت و ڕێگری جددی لە هەموو هەوڵێکی تەزویر دەکەین”.
پێشتر لە هەندێک پەیجی سۆشیاڵ میدیاوە نووسراوێکی ساختە بەناوی لێپرسراوی مەڵبەندی سێی یەکێتی لە هەولێر بڵاوکرابوویەوە، کە گوایە هەوڵدراوە بۆ دەرکردنی کارتی بایۆمەتری بەمەبەستی زیاتر لە یەکجار دەنگدان.
