ئەمڕۆ 26ی تشرینی یەکەم کاتژمێر شەشی ئێوارە فراکسیۆنەکانی پەرلەمانی عێراق ئامادەن بۆ کۆبوونەوە و دەنگدان لەسەر بازنەی هەڵبژاردنی پارێزگای کەرکوک و نەینەوا و ناوچەکانی مادەی 140کە ناکۆکیان لەسەرە.
دەنگدان لەسەر بازنەی هەڵبژاردنی کەرکوک و نەینەوا لە کۆبوونەوەی دوو ڕۆژ پێش ئێستای پەرلەمانی عێراق دواخرا بۆ 48 کاتژمێری دیکە، بەهۆی ئاڵۆزی و ناکۆکی فراکسیۆن و کوتلەکان لەسەر ئەم پرسە.
لە چەند رۆژی رابردوودا سەرۆکی پەرلەمانی عێراق لەگەڵ فراکسیۆنە کوردستانییەکان و پەرلەمانتارانی کەرکووك و نەینەوا کۆبووەتەوە، بۆ ئەوەی لەسەر شێوازی بازنەیی ھەڵبژاردنەکان بەپێی خواستی پێکھاتەكان رێکبکەون. لەم چوارچێوەیەشدا بڕیاردرا دەنگدان لەسەر بازنەی كەركووك و نەینەوا بۆ ئەمڕۆ دوابخرێت.
بازنەی هەڵبژاردن لە پارێزگاکانی عێراق ماوەیەکە جێگەی گفتوگۆ و سەرنج و تێبینی لایەنە سیاسییەکانی عێراقە و کوردیش دژی هەر بڕیارێکە سەبارەت بە بازنەی هەڵبژاردنی کەرکوک ئەگەر دژی مادەی 14ی دەستوری عێراقی بێت.
