نێردەی تایبەتی ئەمینداری گشتیی نەتەوەیەكگرتووەكان، جەختدەكاتەوە لەسەر پێویستی خستنەگەڕی هەوڵی زیاتر بۆ كەمكردنەوەی ئاستەنگەكانی ژیانی دانیشتووانی قەزای شەنگال.
جینین هینیس پلاسخارت، نێردەی تایبەتی ئەمینداری گشتیی نەتەوەیەكگرتووەكان بۆ عێراق، ئەمڕۆ دووشەممە 11ی كانونی دووەم سەردانی شەنگال-ی كرد و ئاشكرایكرد، مەبەست لێی بەدواداچوونی ئەو ڕێككەوتنەیە كە بەمدواییە لەنێوان بەغداد و هەولێر بۆ سەقامگیریی ناوچەكە و باشكردنی ڕەوشی ژیانی دانیشتووانی قەزاكە ئەنجامدرا.
لە میانەی بەسەركردنەوەكەیدا پلاسخارت لەگەڵ كەسایەتییە سیاسی و كۆمەڵایەتییەكانی موسڵ-دا كۆبووەتەوە و تیایدا جگە لە دۆخی ئاسایش و خزمەتگوزارییەكان، ڕێگاكانی گەڕاندنەوەی ئاوارەبووان بۆ قەزاكە تاوتوێكراوە.
لە 7ی تشرینی یەكەمی ساڵی ڕابردوو هەردوو حكومەتی هەرێمی كوردستان و عێراق ڕێككەوتنێكیان بۆ ئاسایكردنەوەی دۆخی قەزای شەنگال و زامنكردنی گەڕانەوەی ئاوارەبووان واژووكرد.
بە پێی بەیاننامەیەكی یۆنامی ئیرینا فۆیاشكۆفا سۆلیورانۆ، ڕێكخەری كاروباریی مرۆیی لە عێراق یاوەریی كرد.
