پیاوێكی میسری لەڕێگەی فەیسبووكەوە ژنێك دەناسێت و پەیوەندیی خۆشەویستی لەگەڵدا پێكدەهێنێت، ئەوەش بە ڕفاندنی و دزینی پارەكانی كۆتاییپێدێت.
بەپێی میدیاكانی میسر، پیاوەكە كە تەمەنی 42 ساڵە و بازرگانە، باسی سامانەكەی بۆ ژنەكە كردووە، ئەویش پێیڕاگەیاندووە كە شوقەیەكی هەیە و بەنیازە بیفرۆشێت.
لە وردەكاریی چیرۆكەكەدا هاتووە، پیاوەكە بەبیستنی ئەو هەواڵە، دەكەوێتە نمایشكردنی سامانەكەی و وێنەی بڕێكی زۆری پارە بۆ ژنەكە دەنێرێت و پێیدەڵێت، “شوقەكەت بەهەر نرخێك دەفرۆشیت ئامادەم بیكڕم”.
ڕۆژنامەی “وەتەن” كە بەدواداچوونی بۆ ڕووداوەكە كردووە ئاشكرایدەكات، ژنەكە باندێكی چوار كەسی ڕاسپاردووە بچنەسەر پیاوەكە، ئەوانیش پارەكانیان دزیوە و خوودی پیاوەكەشیان ڕفاندووە، بەڵام پۆلیس بە ڕووداوەكەی زانیوە و ئازادیكردووە و تۆمەتبارەكانی دەستگیركردووە.
