بەپێی راپۆرتێک لە ساڵی 2023 رێژەی بێکاریی گەنجان بە شێوەیەکی بەرچاو کەمیکردووە و بۆ 64.9 ملیۆن کەس دابەزیوە.
راپۆرتەکە لەلایەن رێکخراوی کاری نێودەوڵەتییەوە ئەنجامدراوە و تێیدا هاتووە، رێژەی بێکاریی گەنجان هاتووەتە نزمترین ئاستی لە 15 ساڵی رابردوودا، لەگەڵ ئەوەشدا ژمارەی ئەو گەنجانەی کە تەمەنیان لەنێوان 15-24 ساڵاندایە کە نە کاردەکەن و نە دەخوێنن جێگای مەترسییە.
هەر بەپێی راپۆرتەکە لە ساڵی 2019 رێژەی بێکاریی گەنجان 13.8% بووە لە ساڵی 2023 هاتووەتە 13% چاوەڕێدەکرێت لە ساڵانی 2024-2025 بۆ 12.8% داببەزێت.
شارەزایانی بواری ئابووری و کار دەڵێن، هەرچەندە کاریگەرییەکانی بڵاوبوونەوەی ڤایرۆسی کۆرۆنا لە بازاڕی کاردا کەمبوونەتەوە، بەڵام هێشتا کاریگەریی بەسەرییەوە ماوە.
هاوکات نەبوونی ئاسایشی پیشەیی هێشتا مەترسییەکە لەسەر کارکردنی گەنجان لە جیهاندا.
