وەزارەتی کشتوکاڵی هەرێم، مەرجەکانی دەستنیشانکردنی جوتیاری نمونەیی ئاشکرادەکات و چەند پێوەرێکی سەرەکی وەک کوالێتی بەرهەم و ڕەخساندنی کار هەندێک پێوەری دیکە کراونە مەرج.
وەزارەتی کشتوکاڵی هەرێم لەسەر ئەو پرسە ڕایگەیاندووە، ” کوالێتی بەرهەم و هەماهەنگی لەگەڵ بەڕێوەبەری گشتیی کشتوکاڵی پارێزگاکان و ئاستی بەکارهێنانی ئاو و ئاستی بەکارهێنانی ئامێری کشتوکاڵی و شێوازی خستنە ڕووی بەرهەمەکان و پاکێجین و پێوەری ڕەخساندنی هەلی کار و کەمکردنەوەی هاوردەکردنی بەرهەم وەک پێوەری هەڵبژاردنی جوتیاری نونەیی دیاریکراوە”.
لەگەڵ دیاریکردنی پێوەرەکان بڕیاردراوە، کار لەسەر ئامادەکارییەکان و جێ بەجێکردنی ڕاسپاردەکان بکرێت وەک بنەمایەکی گرنگی هاندان و خەڵاتکردن و پۆلێنکردنی جوتیاران لەسەر ئاستی گشتی وەزارەتی کشتوکاڵ و سەرچاوەکانی ئاو”.
لە هەرێمی کوردستان چەندین جوتیار هەن بە فرەبەرهەمی و جیاوازی بەرهەمی کشتوکاڵی ناسراون، لەگەڵ ئەوەش بەشێک لە جوتیارەکان لەلایەن وەزارەتی کشتوکاڵەوە ناسراون و پێشتر ڕێنمایی و ئاسانکارییان پێدراوە.
وەزیری کشتوکاڵ لەگەڵ یەکێک لە جوتیارە نموونەییەکانی هەرێم
