کەشناسیی عێراق پێشبینی دەکات لە کۆتایی مانگی تەمموزدا پلەی گەرمی داببەزێت.
دەستەی کەشناسیی عێراق، لە بەیاننامەیەکدا دەڵێت، کەشوهەوای ناوچەکانی عێراق بۆ سبەینێ و رۆژی دواتر هاوشێوەی رۆژانی رابردوو گەرمدەبێت.
بەپێی بەیاننامەکەی کەشناسیی عێراق، رۆژی هەینی و شەممە پلەی گەرمی کەمێک دادەبەزێت.
لەبارەی پلەی گەرمیی سبەینێوە کەشناسیی عێراق دەڵێت، سبەینێ پلەی گەرمیی پارێزگاکانی بەسڕە، میسان و زیقار 49 پلە دەبێت و نزمترین پلەی گەرمی لە پارێزگای دهۆکە، کە 42 پلە دەبێت، لەکاتێکدا بەغداد 47 پلە تۆماردەکات.
