کریستیانۆ ڕۆناڵدۆی ئەفسانەی پۆرتوگالی خاوەن بەرزترین موچەیە لەنێو سەرجەم یاریزانانی بواری تۆپی پێ، لەڕووی داراییەوە لیۆ مێسی-ی ڕکابەری تێپەڕاندووە.
بەپێی نوێترین ئامارەکانی گۆڤاری “فۆربس”ی تایبەت بە بوارە داراییەکان، لە ساڵی 2021دا داهاتی کریستیانۆ ڕۆناڵدۆ بە موچە و پاداشت و تێچووی سپۆنسەرانەوە (125 ملیۆن دۆلار) بووە (70 ملیۆن موچە و 55 ملیۆن زیادەکانی دیکە).
لە بەرامبەردا لیۆ مێسی (110 ملیۆن دۆلار) داهاتی هەبووە، نێیمار دا سیلڤای بەرازیلی بڕی 95 ملیۆنی کۆکردووەتەوە.
کیلیان مباپێ-ی فەرەنسی ئەستێرەی پاریس سان جێرمان، سەرەڕای ئەوەی یەکێکە لە باشترینەکان، بەڵام تەنها 43 ملیۆن دۆلار داهاتی هەبووە.
بەشێوەیەکی گشتی ڕیزبەندی 10 خاوەن زۆرترین داهات بەم جۆرە بووە:
- کریستیانۆ ڕۆناڵدۆ 125 ملیۆن دۆلار
- لیۆ مێسی 110 ملیۆن
- نێیمار دا سیلڤا 95 ملیۆن
- کیلیان مباپێ 43 ملیۆن
- محەمەد سەڵاح 41 ملیۆن
- ڕۆبێرت لیڤاندۆڤیسکی 35 ملیۆن
- ئەندرێس ئینێستا 35 ملیۆن
- پۆل پۆگبا 34 ملیۆن
- گاریس بەیل 32 ملیۆن
- ئیدین هازارد 29 ملیۆن
