پاریس سان جێرمان هەوڵدەدات لە داهاتوودا زینەدین زێدان وەک جێگرەوەی ماوریسیۆ پۆچتینۆ دابینبکات.
بەپێی زانیارییەکانی پرۆگرامی “ئیل شیرینگیتۆ”، ئیدارەی یانەی پاریس سان جێرمان بەهۆی ئەنجامە خراپەکانی ئەم وەرزەوە متمانەیان بە پڕۆژەی ماوریسیۆ پۆچتینۆ نەماوە، بەڵکو پێیانوایە ئەگەر بارودۆخەکە بەو جۆرەی ئێستا بەردەوامبێت هیچ ناسناوێکی گەورە ناچننەوە بەتایبەت ناسناوی خولی یانە پاڵەوانەکانی ئەوروپا.
بەڕێوەبەرانی پاریس چاویان بڕیوەتە تواناکانی زینەدین زێدان، ڕاهێنەری پێشووی ڕیاڵ مەدرید، کە سێ ناسناوی خولی یانە پاڵەوانەکان و دوو ناسناوی لالیگای بەدەستهێناوە، ئەزموونی ئەوەی هەیە پێکهاتەیەکی ئاگرین بۆ یانە فەرەنسییەکە بونیادبنێت و خەونی چەندین ساڵەی ناسڕ خلێفی خاوەنی یانە بهێنێتەدی.
ڕۆژنامەنووسانی شیرینگیتۆ دووپاتیانکردووەتەوە، لە ئەگەری بەردەوامبوونی پۆچتینۆ لەسەر ئەو ئەنجامانە، یاخود نەچنینەوەی ناسناوە گەورەکان، بە ئەگەرێکی زۆرەوە هاوینی 2022 زێدان پۆستی ڕاهێنەری پاریس وەردەگرێت.
