وەزارەتی بەرگریی عیراق دەستگیركردنی “پێنج تیرۆرست”ی لە سلێمانی ڕاگەیاند.
وەزارەتەكە لە بەیاننامەیەكدا ڕایگەیاند، مەفرەزەكانی بەڕێوەبەرایەتی هەواڵگری و ئاسایشی سلێمانی سەر بە بەڕێوەبەرایەتی گشتیی هەواڵگری و ئاسایشی وەزارەتی بەرگری بە هەماهەنگی لەگەڵ بەڕێوەبەرایەتی ئاسایشی سلێمانی “پێنج تیرۆرست”یان لە سلێمانی دەستگیركرد.
تۆمەتباران پێشتر بەپێی ئەحكامی ماددەی (4/1)ی تیرۆر لەلایەن دادگای لێكۆڵینەوەی كەربەلا-ەوە فەرمانی دەستگیركردنیان هەبووە.
بەپێی ڕاگەیەنراوەكەی وەزارەتی بەرگری، دەستگیركردنەكە پشتبەست بووە بە زانیاریی هەواڵگریی ورد لەلایەن بەڕێوەبەرایەتی هەواڵگری و ئاسایشی بابل سەر بە وەزارەتەكەیان.
