نەوتی خاو بەرزترین نرخی لەماوەی شەش هەفتەدا تۆماركرد و نرخی بەرمیلێكی 75 دۆلاری تێپەڕاند.
كەمێك لەمەوبەر نرخی نەوتی خاو لە بازاڕەكانی جیهاندا بەرزبوونەوەی بەرچاوی بەخۆیەوە بینی. بەگوێرەی ماڵپەڕی بلومبێرگ، نرخی نەوتی خاوی برێنت بە ڕێژەی 2.47% بەرزبووەتەوە و هەر بەرمیلێكی گەیشتووەتە 75.42 دۆلار.
بلومبێرگ ئاشكرایكردووە، نرخی نەوتی خاوی ئەمریكی هاوشێوەی برێنت بەرزبووەتەوە بەڵام بە ڕێژەیەكی كەمتر، بەجۆرێك ڕێژەی 2.68 چووەتەسەر نرخەكەی و هەر بەرمیلێكی بە 72.35 دۆلار مامەڵەی پێوەدەكرێت.
لە سەرەتای مانگی ئابی ڕابردووەوە، ئەمە جاری یەكەمە نرخی نەوتی خاو ئەو ئاستە بەرزە تۆماربكات.
