دوو ئەستێرەی دێرینی ئیتاڵیا، کریستیان ڤیێری و ئەنتۆنیۆ کاسانۆ، ئێرلینگ هالاندی هێرشبەری نەرویجی بە یانەکانی ڕیاڵ مەدرید و بایرن میونشنەوە دەبەستنەوە.
هالاند لە ڕیزەکانی یانەی بوروسیا دۆرتمۆند یاریدەکات، لەلایەن چەندین یانەی گەورەوە داواکراوە لەنموونەی ڕیاڵ مەدرید و بایرن میونشن، بەرشلۆنە، مانچستەر سیتی، پاریس سان جێرمان و مانچستەر یونایتد.
لە میانی بەشداریکردنیان لە پڕۆگرامێکی تۆڕی “بۆبۆ تی ڤی”، کریستیان ڤیێری ڕایگەیاندووە، “نازانم ئەو زانیارییەی پێمگەیشتووە دروستە یان نا، 100% ئێرلینگ هالاند پەیوەندی بە یانەی ڕیاڵ مەدریدەوە دەکات”.
لە بەرامبەردا کاسانۆ بۆچوونێکی جیاوازی هەبووە و وتویەتی، “یانەی ڕیاڵ مەدرید لە گواستنەوەی هالاند سەرکەوتوونابێت، چونکە بایرن میونشن بەهێزەوە هاتووەتە ناو هاوکێشەکە و وەک جێگرەوەی ڕۆبێرت لیڤاندۆڤیسکی دابینیدەکەن”.
زۆرینەی سەرچاوەکان پێیانوایە، 2021-2022 کۆتا وەرزی هالاندە لە بوروسیا دۆرتمۆند و هاوینی 2022 پەیوەندی بە یانەیەکی دیکەوە دەکات.
