گۆڵپارێزی یەدەگی یانەی بەرشلۆنە، نیتۆ سوورە لەسەر هەڵوێستی ڕابردووی و ئیدارەی یانەی بەرشلۆنەی ئاگادارکردووەتەوە، کە دەیەوێت پەیوەندی بە یانەیەکی دیکەوە بکات.
ڕۆژنامەی “ئەی ئێس”ی ئیسپانی لەو بارەیەوە نووسیویەتی، نیتۆ دەزانێت لەم وەرزەدا و دوای گەڕانەوەی ئەندرێ تێر شتیگنی ئەڵمانی دووبارە دەخزێنرێتەوە سەر کورسی یەدەگ، تاکە چانسی دەرکەوتن لەبەردەمیدا یاریکردنە لە جامی شای ئیسپانیا، ئەوەش هەرگیز لە ئاستی خەونەکانیدا نییە.
گۆڵپارێزە بەرازیلییەکە داوای دەستبەرداربوونی لە یانەی بەرشلۆنە کردووە، لە بەرامبەردا ئیدارەی بارسا دووپاتیانکردووەتەوە، لارییان لە ڕۆیشتنی نییە بەو مەرجەی بۆندی گونجاو بۆ گواستنەوەی لەلایەن یانە داواکارەکانەوە پێشکەشبکرێت، بڕی پێشکەشکراویش لە 15 ملیۆن یورۆ کەمتر نەبێت.
سەرچاوەکە جەخت لەوە دەکاتەوە، لەم کاتەدا کە گواستنەوەکان تەنها هەشت ڕۆژی ماوە و تێر شتیگن پێکراوە، ڕۆیشتنی نیتۆ دەبێتە قەیرانێکی دیکە بۆ یانە کەتەلۆنییەکە.
