ماوریسیۆ پۆچتینۆ پێیوایە پێکهاتەی یانەی پاریس سان جێتمان کێشەی هەیە، گەورەترین کێشەکەشی لە هێڵی بەرگریدایە.
سەرەڕای بردنەوەیان لە یانەی بریست بە ئەنجامی (4-2)، یانەی پاریس سان جێرمان بۆ سێیەم یاری لەسەریەکی خولی فەرەنسا نەیتوانی پاریزگاری لە تۆڕی گۆڵەکەی بکات.
لەم بارەیەوە ماوریسیۆ پۆچتینۆی ڕاهێنەر بە میدیاکانی ڕاگەیاند، “شتانێکی زۆرمان باشتر کردووە لە پاریس سان جێرمان، بەڵام یانەکەمان بە دۆخێکی باشترەوە دەتوانێت براوەبێت، چەند کێشەیەک ماوە دەبێت چارەسەریبکەین، لە پێش هەموویانەوە کێشەی هێڵی بەرگری، بەهۆی ئەنجامەکەوە ڕوبەڕووی ڕەخنەدەبینەوە، بۆیە بەتایبەت دەبێت چارەسەری خێرای دۆخەکە بکەین”.
ڕاهێنەرەکە لە لێدوانەکانیدا ئاماژە بەوە دەکات، بەهۆی کۆبوونەوەی درەنگوەختی یاریزانان لە یانەکە، هەروەها پشووەکانی هاوینە و پێکان و چەندین بابەتی دەرەوەی وەرزشییەوە، تاوەکو ئێستا نەیانتوانیوە کارەکانیان بەپێی پێویست ڕاپەڕێنن.
