ئۆتۆمبێلێک وەرگەڕا و دووکەس برینداربوون یەکێکیان منداڵە.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، پاش نیوەڕۆی ئەمڕۆ سێشەممە، لەسەر رێگای کەلار- کفری، ئۆتۆمبێلێکی جۆری پرۆتۆن لە قەزای کفرییەوە بە ئاراستەی قەزای کەلار هاتووە کۆنترۆڵی لەدەستدا و وەرگەڕا، بەهۆیەوە دوو سەرنشین برینداربوون، یەکێکیان منداڵە.
باس لەوەشدەکات، دوو بریندارەکە لەدایکبووی ساڵی 2001 و 2023ن، رەوانەی نەخۆشخانەی شەهید خالید گەرمیانی کران.
هاتوچۆی گەرمیان دەشڵێت، لێکۆڵینەوە لە رووداوەکە لەلایەن تیمی هاتوچۆوە دەستیپێکردووە.
