یانەی ڕۆما سەرکەوتوو بووە لە گواستنەوەی تامی ئەبراهام، هێرشبەری یانەی چێڵسی بۆ ڕیزەکانی.
ڕۆژنامەنووسی ئیتاڵی و شارەزای بواری گواستنەوەکان، جیانلوکا دی مارزیۆ بە “سکای سپۆرت ئیتاڵیا”ی ڕاگەیاندووە، کە ڕێککەوتن لەگەڵ تامی ئەبراهام هێرشبەری یانەی چێڵسیدا کردووە.
بەپێی زانیارییەکان، ئەبراهام لەسەرەتاوە خواستی لەسەر یاریکردن بووە بۆ یانەی ئارسیناڵ، بەڵام دوای کەمتەرخەمیی یانەی تۆپچییەکان، بەڕێوەبەرانی ڕۆما سەرکەوتوبوون لە قایلکردنی بە خولی ئیتاڵیا.
سەرچاوەکانی هەواڵ پێشبینی دەکەن بۆندی هێرشبەرەکە بە 40 ملیۆن یورۆ واژووبکرێت، بڕیاریشە ئەمڕۆ یەکشەممە، بگاتە شاری ڕۆما بۆ ئەنجامدانی پشکنینە پزیشکییەکان.
ڕۆما لە گواستنەوەکانی هاوینی 2021 بەناچارییەوە دەستبەرداری ئیدین دزیکۆی هێرشبەر بوو پەیوەندی بە یانەی ئینتەر میلانەوە بکات، ئەبراهام لە ڕیزەکانی جێلاڕۆسی وەک جێگرەوەی هێرشبەرە بۆسنییەکە مامەڵەی لەگەڵدا دەکرێت.
