وەزارەتی بەرگریی ئەفغانستان كوژرانی دەیان چەكداری تاڵیبان و كۆنترۆڵكردنەوەی هەرێمی هەلمەندی لە باشووری وڵاتەكە ڕاگەیاند.
لە بەیاننامەیەكدا، كە لە تویتەر بڵاویكردووەتەوە، وەزارەتی بەرگریی ئەفغانستان ئاماژەی بەوەكردووە، لەماوەی 24 كاتژمێری ڕابردوو هێزەكانیان 131 چەكداری تاڵیبانیان لە چوارچێوەی ئۆپراسیۆنی كۆنترۆڵكردنەوەی ناوچەكانی غەزنی، باكتیكا، قەندەهار، زابول، وهەرات، جوزجان و تەخار، كوشتووە.
بەرگریی ئەفغانستان باسی لەوەشكردووە، شاری لەشكركای پایتەختی هەرێمی هەلمەند-یان كۆنترۆڵكردووەتەوە، كە پێشتر تاڵیبان كۆنترۆڵی كردبوو.
دوای كشانەوەی هێزەكانی ئەمریكا لە ئەفغانستان، بزوتنەوەی تاڵیبان بەشێكی زۆری خاكی وڵاتەكەی بەزەبری هێز كۆنترۆڵكرد، حكومەتی ئەو وڵاتەش ماوەیەكە ئۆپراسیۆنەكانی كۆنترۆڵكردنەوەی ئەو ناوچانە دەستپێكردووە و بەشێكی گەڕاندووەتەوە ژێردەسەڵاتی خۆی.
