میدیاکانى ئێران دەستگیرکردنى 700 سیخوڕ و هاوکارى ئیسرائیل لەماوەى 12 رۆژى جەنگدا رادەگەیەنن.
ئاژانسى میهرى ئێرانى بڵاویکردەوە، لە سەرەتاى شەڕى ئیسرائیل بۆسەر ئێران، تۆڕى سیخوڕى سەر بە ئیسرائیل لەناو ئێران زۆر چالاک بوو، دەزگاى هەواڵگرى و ئاسایشى ئێران توانییان زیاتر لە 700 کەسیان لەماوەى 12 رۆژدا دەستگیربکەن.
ئاماژەى بەوەشدا، زۆرینەى دەستگیرکردنەکان لە پارێزگاکانى کرماشان، ئەسفەهان، خوزستان، فارس و لوڕستان بوو.
بەڵام تائێستا هیچ ئامار و زانیارییەکى ورد لەبارەى دەستگیرکراوان لە تاران-ى پایتەخت بڵاونەکراوەتەوە.
رۆژى هەینى 13ى حوزەیران شەڕى نێوان ئیسرائیل و ئێران دەستیپێکرد و دوێنێ سێشەممە ئاگربەست لەنێوان هەردولا راگەیەندرا.
