هاوکات لەگەڵ گەیشتنی ئەندامانی حکومەتی نوێی یەمەن بە فڕۆکەخانەی عەدەن، ئەمڕۆ چوارشەممە 30ی کانونی یەکەم سێ تەقینەوە فڕۆکەخانەکەیان کردە ئامانج و ژمارەیەک کوژراو و برینداری لێکەوتەوە.
تەقینەوەکان لە هۆڵی پێشوازیی فڕۆکەخانەکە بووە بەرلە دابەزینی وەزیرەکانی حکومەتی نوێی یەمەن، بەپێی میدیا عەرەبییەکان ژمارەیەکی زۆر کوژرا و برینداری لێکەوتوەتەوە.
سەرەڕای گەورەیی تەقینەوەکان کە لەڕێگەی سێ گولە هاوەنەوە بووە، ئەنجامدەری تەقینەوەکە تەقەی کردووە.
حکومەتی نوێی یەمەن لەلایەن مەعین عەبدولمەلیکەوە سەرۆکایەتیی دەکرێت و لە 24 وەزیر پێکهاتووە، بەمەبەستی ئەنجامدانی یەکەم کۆبوونەوەی حکومەتەکەیان گەیشتنە شاری عەدەن.
