ئەفسانەی باسکەی ئەمریکا، لیبرۆن جەیمس لە کۆتا ساتەکانی ڕوبەڕووبوونەوەی نێوان لۆس ئەنجلس لەیکەرز و گۆڵد ستەیت واریەرز، “سیانییەک”ی تۆمارکرد و تیمەکەیی گەیاندە قۆناغە یەکلاکەرەوەکان.
“لەیکەرز” بە ئەنجامی (103-100) سەرکەوتنی بەرامبەر “واریەرز” تۆمارکرد، بەر لە کۆتاییهاتنی ڕوبەڕووبوونەوە بەهێزەکە بە (58.2) چرکە، لیبرۆن جەیمس شوتێکی لەدەرەوەی ناوچەی زسێ خاڵییەوە کرد و سێ خاڵی سەرکەوتنی بۆ تیمەکەی تۆمارکرد، بەم ئەنجامەش یانەکەیی گەیاندە قۆناغە یەکلاکەرەوەکان “پلەی ئۆفس”.
بەم ئەنجامە تیمە زەردەکە پلەی حەوتەمی جەمسەری خۆرئاوای خولی یانە پیشوەرەکانی ئەمریکای مسۆگەرکرد.
LeBron's buzzer-beater proved to be the game-winner 😮 pic.twitter.com/xFcO1GWy9K
— SportsCenter (@SportsCenter) May 20, 2021
بەپێی ئەم ئەنجامە، لیبرۆن جەیمسی ناسراو بە “پادشا” لە قۆناغە یەکلاکەرەوەکاندا بەرامبەر تیمی فینێکس سەنز دەوەستنەوە، کە لەم وەرزەدا دووجار لە هەڵگری نازناوەکەیان بردووەتەوە.
هەروەها تیمی “واریەرز” و ستیفان کوری باشترین یاریزانی ئەمریکا، چانسی ئەوەیان دەبێت گەیشتن بە قۆناغی “پلەی ئۆفس” مسۆگەربکەن، بۆ ئەم مەبەستە ڕوبەڕووی مێمفیس گریزلیس دەبنەوە، کە ئەوانیش پێشتر بە ئەنجامی (100-96) بردنەوەیان بەرامبەر سان ئانتۆنیۆ سپێرز بەدەستهێناوە.
