هێرشبەری ئەرجەنتینی یانەی مانچستەر سیتی، لەپێناو یاریکردنی بۆ یانەی بەرشلۆنە ئامادەیی دەربڕیوە موچەکەی بە ڕێژەی لەسەدا 58 کەمبکاتەوە.
ڕۆژنامەی “ئاس”ی ئیسپانی ئاشکرایکردووە، کە سێرجیۆ ئەگوێرۆ لەگەڵ بەرپرسانی یانەی بەرشلۆنە لەسەرهێڵە و نزیکە بە ڕێککەوتنێکی یەکلاکەرەوە بگات.
هێرشبەرە ئەرجەنتینیەکە لەپێناو یاریکردن بۆ بەرشلۆنە و پەیوەنیکردن بە مێسی هاوڕێیەوە، ئامادەیی دەربڕیوە لەسەدا 58ی موچەکەی کەمبکاتەوە و بەپێی ڕێککەوتنی سەرەتایی لەگەڵ خوان لاپۆرتا و ستافەکەی، لە هاوینی 2021وە و دوای واژووکردنی بۆند لەگەڵ یانە کەتەلۆنیەکە بڕی پێنج ملیۆن یورۆ موچە بەدەستدەهێنێت.
ئەم بڕە لە موچەی سێرجینیۆ دێسک کەمترە و تەنها ملیۆنێک لە موچەی پێدری و ڕیکی پوج زیاترە.
بەراورد بە موچەی بەدەستهاتوو لە یانەی مانچستەر سیتییەوە کە 12 ملیۆن یورۆیە، ئەگوێرۆ بە پۆشینی درێسی ئازولگرانا داهاتی حەوت ملیۆن یورۆ لەدەستدەدات.
