دوای ڕێککەوتنی لەگەڵ یانەی ڕۆمای ئیتاڵی، جوزێ مۆرینیۆی ڕاهێنەری پۆرتوگالی لە چاوپێکەوتنێکدا هۆکارەکانی قایلبوونی بەو یانەیە ئاشکرادەکات.
لە وەڵامی پرسیارێکدا سەبارەت بە ڕێککەوتنی لەگەڵ گورگەکانی پایتەختی ئیتاڵیا، مۆرینیۆ بە ماڵپەڕی ” XTB ” ڕاگەیاندووە، ” بەر لەوەی هەر بڕیارێکی گرنگ لە ژیانی وەرزشیمدا بدەم، دڵنیادەبمەوە لەوەی تەواوی زانیارییم لەبارەی پڕۆژەی داهاتوومەوە هەیە، یاخود زانیاری تەواوم لەسەر کارە نوێیەکەم هەیە”.
هەروەها دەڵێت، ” ڕێگە نادەم هاتوهەرای میدیایی کاریگەری لەسەر بۆچوون و بژاردەکانم دروستبکات، بە خێرایی بڕیارنادەم، ئەوەی پێویستبێت لەبارەی پڕۆژەی یانەی ڕۆماوە لە ئێستادا دەیزانم، لەبەرئەوەیە بەڕێککەوتن گەیشتووم لەگەڵیاندا”.
لەبارەی ئەو فشارانەی لە کارەکانیدا ڕوبەڕووی دەبێتەوە، “مۆو” دەڵێت، ” بەنسبەت منەوە لەهەموو یارییەکدا فشاری قورس بوونی هەیە و هەر یارییەکیش جیاوازە لەوی دیکە، لە یارییەکانی دێربی فشار هەیە، لە قۆناغەکانی نیوەی کۆتایی و کۆتایی و کاتی چنینەوەی نازناوەکان، یان بەدەستهێنانی سێ خاڵی یاریی و هەر بارودۆخێکی دیکە، ڕاهێنەر ڕوبەڕووی فشاری میدیایی دەبێتەوە”.
بڕیارە مۆرینیۆ لە هاوینی 2021وە و دوای هەڵوەشاندنەوەی بۆندی پاولۆ فۆنسیکای هاونیشتیمانی، پۆستی ڕاهێنەری یانەی ڕۆما وەربگرێت.
