لە سلێمانی ڕێژەی توشبوون بە كۆرۆنا هەڵكشا

لە هەرێمی كوردستان زیاتر لە 704 كەسی دیكە توشی كۆرۆنا بوون، بەڵام نزیكەی دوو ئەوەندەش چاكبوونەوە، ڕێژەی توشبوون لە سلێمانی زیادیكردووە.

وەزارەتی تەندروستیی هەرێم ئاماری 24 كاتژمێری ڕابردووی كۆرۆنای بڵاوكردەوە، 7 هەزار و 195 پشكنین ئەنجامدراوە، 704 توشبووی نوێ تۆماركراون، كە سلێمانی بە 331 توشبوو زۆرترینی تێدا تۆماركراوە.

هەر لەماوەی شەو و ڕۆژی ڕابردوو هەزار و 320 توشبووی كۆرۆنا چاكبوونەتەوە، 9 توشبووش گیانیان لەدەستداوە، كە پێنجیان لە دهۆك بوون.

تا ئێستا لە هەرێمی كوردستان 156 هەزار و 653 كەس توشی كۆرۆنا بوون، 4 هەزار و 108 كەسیان گیانیان لەدەستداوە، 136 هەزار و 879 توشبووش چاكبوونەتەوە، لەئێستادا 15 هەزار و 666 كەس چارەسەری پزیشكی وەردەگرن.