وەزارەتی تەندروستیی هەرێم ئاماری 24 کاتژمێر توشبوون و مردنی بە کۆرۆنا ڕاگەیاند و بەپێی ئامارەکە دوو کەس بە هۆکاری ڤایرۆسەکە گیانیان لە دەستداوە.
بەپێی ڕاگەیەندراوەکەی وەزارەتی تەندروستیی هەرێم، لەماوەی 24 کاتژمێردا 366 کەس لە هەرێمی کوردستان وەک توشبووی ڤایرۆسی کۆرۆنا تۆمارکراون و لەو ژمارەیەش زۆرترینیان لە هەولێرە بە 170 توشبووی نوێ.
هاوکات لە سلێمانی 88 کەسی دیکە وەک توشبووی ڤایرۆسی کۆرۆنا تۆمارکراون و لە دهۆکیش 93 کەس پشکنینەکانیان پۆزەتیڤ هاتووەتەوە و لە گەرمیانیش 13 توشبووی نوێ هەیە.
هاوکات لەو ماوەیەدا 156 کەس ڤایرۆسەکەیان تێپەڕاندووە و یەک کەس لە گەرمیان و کەسێک لە هەولێر بە هۆکاری ڤایرۆسەکە گیانیان لە دەستداوە.
