هەمیشە لەگەڵ هاتنی وەرزی سەرما خەڵکێکی زۆر بۆ خۆپاراستن لە سەرمابوون و پەتای زستانە، پەنا بۆ تەواوکەرە خۆراکییەکان بە تایبەت ڤیتامین سی دەبەن، بەڵام توێژینەوەیەکی نوێ دەیسەلمێنێت رۆژانە خواردنی دوو کیوی بۆ ماوەی شەش هەفتە ئەو کێشەیە چارەسەر دەکات.
توێژەران دەڵین، گەر رۆژانە دوو کیوی بخۆیت بۆ ماوەی شەش هەفتە وەک ئەوە وایە رۆژانە 150 میلیگرام ڤیتامین سیت وەرگرتبێت، بۆیە گەر پەیڕەوی ئەم سیستمە بکەیت پێویستت بە تەواوکاری خۆراکی نابێت.
خواردنی رۆژانەی کیوی دەبێتە هۆی بەرزکردنەوەی بەرگریی لەش و پاراستنی لە سەرمابوون و پەتا وەرزییەکان، هاوکات ئاستی شەکری خوێن رێکدەخات و پەستانی خوێن دادەبەزێنێت.
