ئایا ئاساییە لەکاتی توشبوون بە ئەنفلۆنزا وەرزش بکەین؟

ئەنفلۆنزا یان ئەنفلوەنزا، نەخۆشییەکی گیرۆییە کە بە ھۆی ڤایرووسی( ئار ئێن ئەیەوە (لە خێزانیOrthomyxoviridae)) توشی مرۆڤ دەبێ، بەگشتی سێ جۆر ڤایرۆسی ئەنفلۆنزا بە ناوەکانی (A B C) ھەیە و لە دۆخی ئاساییدا ماوەی نەخۆشی ٣ تا ٤ ڕۆژە.

ساڵانە بەتایبەت لە وەرزی پایزدا بەهۆی ئاڵوگۆڕی کەشوهەوا خەڵکانێکی زۆر توشی ئەم جۆرە ڤایرۆسە دەبن، لە گرنگترین نیشانەکانی ئەم نەخۆشییە بریتیە لە ئازاری قورگ و سەرئێشە و هەوکردنی لوت و ئازاری جەستە و تا و لەرز.

هەندێک لە شارەزایان ئاماژە بەوە دەکەن، کە کەسی توشبوو ئاساییە چالاکییە وەرزشییە بەهێزەکان ئەنجام بدات و هەندێک دووپاتی دەکەنەوە، وەرزشکردن بۆ سوڕی هەناسەدان سودی هەیە و چالاکی ڤایرۆسی (ئاڕ ئێن ئەی) کەم دەکاتەوە.

ئایا لەکاتی توشبوون بە ئەنفلۆنزا وەرزش ئاساییە؟

بەپێی هەندێک لە لێکۆڵینەوەکان، وەرزشکردن لەکاتی توشبوون بە ئەنفلۆنزا هەندێجار ئاساییە و هەندێجاری تریش بەپێچەوانەوە، بەشێوەیەکی گشتی پزیشکەکان داوا دەکەن کەسی توشبوو لێکدانەوەی خێرا بۆ ئازارەکانی بکات و توشبووان بەگشتی دەکەن بە دوو بەشەوە و بۆ هەر بەشێکیش ڕێنمایی تایبەت دەدەن.

بەشێک ئەوانن کە ئازار لەبەشی سەرەوەی قورگ و ملیاندا هەیە و بەشێکی تریش ئەوانەن کە ئازار لەبەشی خوارەوەی قوڕگ و ملیاندا هەیە:

• ئەگەر توشبوو هەست بە تەنگەنەفەسی و بەرزبوونەوەی پلەی گەرمای لەشی بکات، یاخود کۆکە و ئازاری جەستەی هەبێت، باشترە چالاکی وەرزشیی ئەنجام نەدات

• ئەگەر توشبوو تەنها هەوکردنی لوت و قوڕگی هەبێت ئاساییە وەرزش بکات.

بۆچی توشبووانی بەشی دووەم سود لە وەرزشکردن وەردەگرن؟

بەپێی هەندێک لە لێکۆڵینەوە پزیشکییەکان، ئەوانەی بەشێوەیەکی سوک دووچاری ئەنفلۆنزا دەبن و ئازاری جەستە و تەنگەنەفەسی و بەرزبوونەوەی پلەی گەرمای لەشیان توش نەبووە، ئاساییە ئەگەر وەرزش ئەنجام بدەن، کە ئەوەش دەبێتە هۆی زیادبوونی ڕێژەی هەناسەدان و خێراکردنی سوووڕی هەناسە، بەوشێوەیەش کەسی توشبوو لە کێشەی گیرانی لوتەکانی ڕزگاری دەبێت، هەروەها بەهۆی خێرابوونی سوڕی خوێنەوە ڕێژەیەکی زیاتری ڤایرۆسی (ئاڕ ئێن ئەی) فڕی دەداتە دەرەوەی جەستەی.

بابەتی پێشتر

کلاسیکۆی ئیسپانیا، کلاسیکۆی زەوی و چەندین ناسناوی تر...

بابەتی دواتر

(بەژمارە) تیکی تاکا لە یاریگا ئەوروپیەکاندا مردووە و هەڵگرانی فەلسەفەکە بێکار بوون

بابەتی پەیوەندیدار
Total
0
Share