پۆلیسی هەولێر ڕایدەگەیەنێت، ئەو تۆمەتبارەی 15 جار دزی لە ماركێتێك كردبوو، دەستگیركرا.
بەڕێوبەرایەتی پۆلیسی پارێزگای هەولێر ئەمڕۆ سێشەممە بڵاویكردەوە، نوسینگەی باكووری پۆلیسی نەهێشتنی تاوان تۆمەتبارێكیان بە ناوی (م.م.ح) دەستگیركرد، كە لە گەڕەكی (نازناز) لە ماوەی مانگێكدا 15 جار دزی لە ماركێتێك كردووە و پارە و كەلوپەلی بردووە.
دەشڵێت، تۆمەتبار دانینا بە تاوانەكەیدا، بۆیە بە بڕیاری دادوەر و بەپێی ماددە (443) لە یاسای سزادان ڕاگیرا و لێكۆڵینەوەش لەگەڵیدا بەردەوامە.
