وەزارەتی ئاوەدانکردنەوە و نیشتەجێکردنی هەرێم رایدەگەیەنێت، پلان و رێگاچارەسەری پێویست بۆ کێشەی هاتوچۆی ئۆتۆمبێلە بارهەڵگرەکان دەخرێتە بەردەم ئەنجومەنی وەزیرانی هەرێم بۆ پەسەندکردنی.
لە راگەیەندراوێکدا وەزارەتی ئاوەدانکردنەوە و نیشتەجێکردنی هەرێم ئاماژە بەوە دەکات، ”پلان و رێگاچارەسەری پێویست بۆ هاتوچۆی ئۆتۆمبێلە بارهەڵگرەکان، کە لەلایەن بەڕێوەبەرە گشتییەکانی پارێزگاکانەوە پێشنیارکرابوو، لەلایەن وەزیری ئاوەدانکردنەوەوە پەسەندکرا و لە کۆبوونەوەی سبەینێی ئەنجومەنی وەزیران بڕیاری کۆتایی بۆ وەردەگیرێت”.
دانا عەبدولکەریم، وەزیری ئاوەدانکردنەوە و نیشتەجێکردنی هەرێم ئەوەی خستەڕوو، ”ئەوەی لە توانای وەزارەتماندا بێت، هەمو هەوڵێک دەدەین بەمەبەستی کارئاسانی بۆ هاتوچۆی هاوڵاتییان”.
