ئەمشەو، شەممە گەڕی دووەمی پاڵاوتنەکانی کیشوەری ئەوروپا بۆ گەیشتن بە مۆندیالی 2022ی قەتەر بەردەوامی هەبوو و هەڵبژاردەکانی پۆرتوگال و بەلجیکا یەکسانبوونیان تۆمارکرد.
لە ڕوبەڕوبوونەوەیەکی بەهێزدا هەڵبژاردەی پۆرتوگال بەرانبەر سڕبیا یەکسانبوونی بە ئەنجامی (2-2) تۆمارکرد، گۆڵەکانی پۆرتوگال لە خولەکەکانی 11 و 36 لەلایەن دیێگۆ جۆتا (دوو گۆڵ)، گۆڵەکانی سڕبیاش لە خولەکەکانی 46 و 60 لەلایەن ئەلیکساندەر میترۆڤیچ و فیلیپ کۆستیچەوە تۆمارکران.
لەلایەکی دیکەوە هەڵبژاردەی بەلجیکا لە دەرەوەی یاریگای خۆی بە ئەنجامی گۆڵێک بەهەمان شێوە یەکسانبوونی بەرانبەر چیک تۆمارکرد.
گۆڵی پێشەنگی چیک لە خولەکی 50 لەلایەن لوکاس بروفۆرد و گۆڵی یەکسانکەرەوەی بەلجیکاش لە خولەکی 61 لەلایەن ڕومێلو لوکاکۆوە تۆمارکران،
ئەنجامە تۆمارکراوەکانی ئەمشەو:
ئێرلەندا 0-1 لۆکسمبۆرگ
سلۆڤاکیا 2-2 ماڵتە
سڕبیا 2-2 پۆرتوگال
چیک 1-1 بەلجیکا
