ڕاهێنەری یانەی بەرشلۆنە، ڕۆناڵد کومان وەڵامی لێدوانەکانی ئەنتوان گریزمانی فەرەنسی دەداتەوە و دەڵێت، ” من بەرپرسم لە دیاریکردنی پێگەی یاریزانان”.
ڕاهێنەرە هۆڵەندییەکەی بارسا لە پڕیس کۆنفرانسێکدا وەڵامی هێرشبەرەکەیدایەوە و ڕایگەیاند، ” ڕاهێنەر بەرپرسە لە هەڵبژاردنی پێگەی یاریزانان و شێوازی یاریکردنیان، پێموابێت گریزمان کێشەی نییە لە یاریکردن لە پێگە هێرشبەرییەکان”.
ڕاهێنەرە هۆڵەندییەکەی بارسا ڕوونکردنەوەی زیاتر دەدات و دەڵێت، ” لەگەڵ گریزمان قسەم کرد، پێموت کە من هەمیشە بەدوای بەرژەوەندی یانەکەمدا دەگەڕێم، بەرژەوەندی ئێمەش وا دەخوازێت لە پێگەی هێرشبەری ڕاست یاریبکات، بەم شێوەیە بۆ ئێمە باشترە”.
هەروەها دەڵێت، ” ناتوانم یاری بە یاریزانی ژمارە دە بکەم لە پێگەی نۆ، بەهەمان شێوە پێگەکانی دیکە.. دەکرێت گریزمان لە دەرەوەی ناوچەی سزا یاریبکات و بە پێیە چەپە بەهێزەکەی بەرەو سەنتەری هێرشبردن هەنگاو بنێت، ئەگەر حەزی لە پێگەیەکی دیکە بێت ئاساییە، بەڵام من ناتوانم دە یاریزان لە پێگەی دروستکەری گۆڵدا بەکاربخەم، یاریزانان لەهەر پێگەیەکدا یارییان پێبکرێت پێویستە لەسەریان ئەوپەری تواناکانی خۆیان بەگەڕبخەن، پۆزیشن ئەوە دەخوازێت”.
گریزمان لە هاوینی 2019 بە بڕی 120 ملیۆن یورۆ پەیوەندی بە یانەی ڕیاڵ مەدریدەوە کرد، تاوەکو 2024 لە یانە کەتەلۆنییەکە بەردەوامدەبێت و دوو ڕاهێنەری پێشوو سوودیان لە تواناکانی وەرنەگرتووە، بە پێچەوانەوە دیدێر دیشامپ لە هەڵبژاردەی فەرەنسا وەک باشترینەکان نمایشی پێدەکات.
